തിരുവനന്തപുരം: സംസ്ഥാനത്ത് അതിശക്തമായ മഴയ്ക്ക് സാധ്യത. വരുന്ന അഞ്ച് ദിവസം മഴ ശക്തമാകുമെന്ന് കേന്ദ്ര കാലാവസ്ഥ നിരീക്ഷണ കേന്ദ്രം അറിയിച്ചു. ഓഗസ്റ്റ് 4, 5 തീയതികളില് കേരളത്തിലെ എല്ലാ ജില്ലകളിലും മഴ മുന്നറിയിപ്പുണ്ട്. ആറ് ജില്ലകളില് ഇന്ന് ഓറഞ്ച് അലര്ട്ട് പ്രഖ്യാപിച്ചു. കേരള-കര്ണാടക-ലക്ഷദ്വീപ് തീരത്ത് ഈ മാസം ഏഴ് വരെ മത്സ്യബന്ധനത്തിന് വിലക്കേര്പ്പെടുത്തി.
മണിക്കൂറില് 60 കിലോമീറ്റര് വരെ വേഗതത്തില് വീശിയടിക്കാവുന്ന കാറ്റിനും സാധ്യതയുണ്ട്. തിരുവനന്തപുരം മുതല് ആലപ്പുഴ വരെയുള്ള തീര പ്രദേശങ്ങളില് കടലാക്രമണത്തിനുള്ള സാധ്യതയും പ്രവചിക്കപ്പെട്ടിട്ടുണ്ട്. തെക്കന് തമിഴ്നാടിന് മുകളിലായി ചക്രവാതച്ചുഴി നിലനില്ക്കുന്നു. കേരളത്തില് പടിഞ്ഞാറന്-വടക്ക് പടിഞ്ഞാറന് കാറ്റ് ശക്തമായി.
