കോഴിക്കോട്: ബാലുശ്ശേരി പൂനൂരില്‍ യുവതി ഭര്‍തൃവീട്ടില്‍ തൂങ്ങിമരിച്ചു. പൂനൂര്‍ കരിങ്കാളിമ്മല്‍ താമസിക്കുന്ന ശ്രീജിത്തിന്റെ ഭാര്യ ജിസ്ന (24) മരിച്ചത്. മരണത്തില്‍ ബാലുശ്ശേരി പൊലീസ് അന്വേഷണം ആരംഭിച്ചിട്ടുണ്ട്. വൈകീട്ടോടെയാണ് ജിസ്നയെ വീട്ടില്‍ തൂങ്ങിമരിച്ച നിലയില്‍ കണ്ടെത്തിയത്. ഭര്‍ത്താവ് ശ്രീജിത്ത് വീട്ടിലെത്തിയപ്പോളാണ് ജിസ്നയെ തൂങ്ങിയ നിലയില്‍ കണ്ടെത്തുന്നത്.

സംഭവം നടക്കുന്ന സമയം വീട്ടില്‍ ആരുമില്ല എന്നാണ് പ്രാഥമിക വിവരം. മരണത്തില്‍ ദുരൂഹതയൊന്നുമില്ലെന്നാണ് പ്രാഥമിക അന്വേഷണത്തിന് ശേഷം പൊലീസ് പറയുന്നത്. ജിസ്നയുടെ ബന്ധുക്കളുടേതടക്കം മൊഴി ബാലുശ്ശേരി പൊലീസ് രേഖപ്പെടുത്തുന്നുണ്ട്. സാമ്പത്തിക പ്രശ്നമാണ് ആത്മഹത്യയ്ക്ക് പിന്നിലെന്നും സംശയിക്കുന്നുണ്ട്.