സന:നിമിഷപ്രിയയുടെ വധശിക്ഷ എത്രയും പെട്ടെന്നു നടത്തണമെന്ന് ആവശ്യപ്പെട്ട് കൊല്ലപ്പെട്ട യെമന് പൗരന് തലാല് അബ്ദു മെഹ്ദിയുടെ സഹോദരന് അബ്ദുല് ഫത്താ മെഹ്ദി. യെമന് ഡപ്യൂട്ടി അറ്റോര്ണി ജനറലുമായി തലാലിന്റെ കുടുംബം കൂടിക്കാഴ്ച നടത്തിയെന്നും വധശിക്ഷാ തീയതി ഉടന് തീരുമാനിക്കണമെന്ന് ആവശ്യപ്പെട്ടുവെന്നും അബ്ദുല് ഫത്താ മെഹ്ദി ശനിയാഴ്ച സമൂഹമാധ്യമത്തിലെ കുറിപ്പിലൂടെ അറിയിച്ചു. അറ്റോര്ണി ജനറലിനു നല്കിയ കത്തിന്റെ ചിത്രവും അബ്ദുല് മെഹ്ദി പങ്കുവച്ചു.
നിമിഷപ്രിയ തലാലിനെ കൊലപ്പെടുത്തി മൃതദേഹം കഷണങ്ങളാക്കി ടാങ്കില് ഒളിപ്പിച്ചെന്ന് കോടതി കണ്ടെത്തിയതാണെന്ന് കത്തില് പറയുന്നു. 2025 ജൂണ് ഏഴിന് നടത്താന് നിശ്ചയിച്ച വധശിക്ഷ അറ്റോര്ണി ജനറലിന്റെ ഉത്തരവിനെത്തുടര്ന്നാണ് നീട്ടിവച്ചത്. പുതിയ തീയതി ഉടന് നിശ്ചയിക്കണമെന്നും യാതൊരു ഒത്തുതീര്പ്പിനും ഇല്ലെന്നും അദ്ദേഹം പറയുന്നു. സമാന ആവശ്യം ഉന്നയിച്ച് ജൂലൈ 25നും ഓഗസ്റ്റ് നാലിനും അബ്ദുല് മെഹ്ദി കത്ത് അയച്ചിട്ടുണ്ട്.
