കൊച്ചി: തൃക്കാക്കരയിൽ അഞ്ചാം ക്ലാസ് വിദ്യാർഥിയെ ഇരുട്ടുമുറിയിലിരുത്തിയതിനെതിരെ പ്രതിഷേധം. തൃക്കാക്കര കൊച്ചിൻ പബ്ലിക് സ്കൂളിലാണ് സംഭവം. സ്കൂളിൽ എത്താൻ വൈകിയെത്തിയെന്ന കാരണം ആരോപിച്ചാണ് കുട്ടിയെ ഇരുട്ടു മുറിയിലിരുത്തിയത്. കുട്ടിയെ ടിസി നൽകി പറഞ്ഞുവിടുമെന്നും അധികൃതർ പറഞ്ഞു.

സംഭവത്തിൽ പ്രതിഷേധ മാർച്ചുമായി എസ്എഫ്ഐ രംഗത്തെത്തി. രക്ഷിതാക്കളടക്കം പ്രതിഷേധവുമായി സ്കൂളിലെക്കെത്തി. പ്രിൻസിപ്പലിന്റെ മുറിയിലേക്ക് അതിക്രമിച്ചു കയറിയാണ് പ്രതിഷേധം.