കോട്ടയം: തദ്ദേശ സ്വയംഭരണ തിരഞ്ഞെടുപ്പിൽ ഔദ്യോഗിക സ്ഥാനാർത്ഥിക്കെതിരെ റിബലായി മത്സരിച്ച ഭരണങ്ങാനം ബ്ലോക്ക് കോൺഗ്രസ് കമ്മിറ്റി ജനറൽ സെക്രട്ടറി ഷിബു തോമസിനെ ഡി.സി.സി. (ജില്ലാ കോൺഗ്രസ് കമ്മിറ്റി) സസ്പെൻഡ് ചെയ്തു. ഈരാറ്റുപേട്ട ബ്ലോക്ക് പഞ്ചായത്തിലെ മൂന്നിലവ് ഡിവിഷനിൽ നിന്നാണ് ഷിബു തോമസ് കോൺഗ്രസ് തീരുമാനത്തിന് വിരുദ്ധമായി മത്സരരംഗത്ത് വന്നത്. ഇതേ തുടർന്നാണ് കക്ഷി അച്ചടക്കം ലംഘിച്ചതിൻ്റെ പേരിൽ ഡി.സി.സി. അദ്ദേഹത്തിനെതിരെ കർശന നടപടി സ്വീകരിച്ചത്.