പാലക്കാട്: രാഹുല് മാങ്കൂട്ടത്തിലിനെതിരായ രണ്ടാമത്തെ പീഡനക്കേസില് മൊഴി രേഖപ്പെടുത്താന് അന്വേഷണസംഘം ബെംഗ്ലൂരിലേക്ക്. അതിജീവിതയുടെ മൊഴിയെടുത്ത ശേഷം മാത്രമാകും തുടര്നടപടികളിലേക്ക് കടക്കുക.
തിരുവനന്തപുരം ജില്ലാ സെഷന്സ് കോടതി മുന്കൂര് ജാമ്യാപേക്ഷ തള്ളിയതോടെയാണ് രാഹുല് ഹൈക്കോടതിയെ സമീപിച്ചത്. ബലാത്സംഗ കേസ് നിലനില്ക്കില്ലെന്നും,പരാതി തിരഞ്ഞെടുപ്പ് മുന്നില് കണ്ടാണെന്നും രാഹുലിന്റെ ഹര്ജിയില് പറയുന്നു.
രാഹുല് മംഗലാപുരം കേന്ദ്രീകരിച്ച് ഒളിവില് കഴിയുന്നതായാണ് അന്വേഷണസംഘം കരുതുന്നത്. രാഹുലിന്റെ സഹായിയെയും ഡ്രൈവറേയും എസ്ഐടി കസ്റ്റഡിയില് എടുത്തിട്ടുണ്ട്.
അന്വേഷണസംഘത്തെ കബളിപ്പിക്കാന് രാഹുല് ദൃശ്യം മാതൃകയില് മൊബൈല് ഫോണ് കൈമാറിയതായും സംശയമുണ്ട്. നേതൃത്വമാകെ തള്ളി പറഞ്ഞെങ്കിലും പതിവ് പോലെ രാഹുലിന്റെ പാലക്കാട്ടെ എംഎല്എ ഓഫീസ് തുറന്ന് പ്രവര്ത്തിക്കുന്നുണ്ട്.
