തൃശ്ശൂർ: കാണിപ്പയ്യൂർ ജനസ്നേഹ ചാരിറ്റബിൾ ട്രസ്റ്റ് സംഘടിപ്പിച്ച ക്രിസ്തുമസ്–പുതുവത്സര ആഘോഷവും അരി വിതരണവും കുന്നംകുളം തൃശ്ശൂർ പഴയ റോഡിലെ പനങ്ങാട്ട് ബിൽഡിങ്ങിൽ നടന്നു.
ട്രസ്റ്റ് ചെയർമാൻ ജയപ്രകാശ് ഇലവന്ത്രയുടെ അധ്യക്ഷതയിൽ നടന്ന പരിപാടി ജില്ലാ ആശുപത്രി സൂപ്രണ്ട് ഡോ. താജ്പോൾ പനയ്ക്കൽ ഉദ്ഘാടനം ചെയ്തു. ട്രസ്റ്റ് കൺവീനർ സി.ജെ. ഫ്രാൻസിസ് സ്വാഗതം പറഞ്ഞു.ഇന്ത്യയുടെ വിവിധ സംസ്ഥാനങ്ങളിലൂടെ ബൈക്ക് യാത്ര നടത്തി സാമൂഹിക സേവനം നടത്തിയ ഡോ. ലിജിൽ കുരുവിള, അലൻ ജിന്നി എന്നിവരെ സിനിമ നിർമ്മാതാവ് നെൽസൻ ഐപ്പ് ആദരിച്ചു.
അരുണാചൽ പ്രദേശിൽ ഉണ്ടായ മണ്ണിടിച്ചിലിനിടെ രക്ഷാപ്രവർത്തനങ്ങളിലും ജീവകാരുണ്യ പ്രവർത്തനങ്ങളിലും സജീവമായി പങ്കെടുത്തതിന്റെ അംഗീകാരമായിരുന്നു ഈ ആദരം.വെളിച്ചം ചാരിറ്റബിൾ ട്രസ്റ്റ് കോ-ഓർഡിനേറ്റർ പ്രസാദ് പുലിക്കോടൻ ക്രിസ്തുമസ് സന്ദേശം നൽകി.
തുടർന്ന് സീനിയർ എഡിറ്റേഴ്സ് ഫോറം പ്രസിഡന്റ് സി. ഗിരീഷ് കുമാർ, ജീവകാരുണ്യ പ്രവർത്തകൻ വിശ്വനാഥൻ, നാട്ടുവെളിച്ചം വനിതാ വിങ് രക്ഷാധികാരി സത്യഭാമ, മനസ്സ് വിധവാ സംഘം പ്രസിഡന്റ് കുമാരി ടി. ചന്ദ്രൻ എന്നിവർ ആശംസകൾ അർപ്പിച്ചു. മനസ്സ് ഫോട്ടോ ക്ലബ് ഓഫീസ് സെക്രട്ടറി ദിവിത കൃഷ്ണകുമാർ നന്ദി പറഞ്ഞു.
