കോഴിക്കോട്: ഡിജിറ്റല് അറസ്റ്റ് തട്ടിപ്പിൽ കോഴിക്കോട് നാല് മലയാളികള് പിടിയില്. 36 ലക്ഷം രൂപ തട്ടിയെടുത്ത കേസിലാണ് അറസ്റ്റ്. കോഴിക്കോട് സ്വദേശിയായ എഴുപത്തി രണ്ടുകാരിയുടെ ബാങ്ക് അക്കൗണ്ട്- ആധാര് വിവരങ്ങള് ശേഖരിച്ചാണ് തട്ടിപ്പ് നടത്തിയത്. ഇവരുടെ ആധാര് കാര്ഡ് തട്ടിയെടുത്ത് ആരോ മംബൈ കനറാ ബാങ്കില് അക്കൗണ്ട് തുടങ്ങിയെന്ന് വിശ്വസിപ്പിച്ചാണ് ഡിജിറ്റല് അറസ്റ്റ്. ഇവരുടെ അക്കൗണ്ട് വഴി നരേഷ് ഗോയല് എന്നയാളുടെ പേരില് നാല് കോടിയുടെ കള്ളപ്പണമിടപാട് നടന്നു.
ഈ കേസുമായി ബന്ധപ്പെട്ടാണ് ഡിജിറ്റല് അറസ്റ്റെന്ന് മുംബൈ കൊളാബേ പൊലീസിന്റെ പേരില് സംഘം പരാതിക്കാരിയെ ഭീഷണിപ്പെടുത്തി. കോഴിക്കോട് പാറോപ്പടി സ്വദേശി ഹരിപ്രസാദ്, കല്ലായിലെ ഫാസില്, അത്താണിക്കല് കെ.വി ഷിഹാബ്, മലാപ്പറമ്പ് സ്വദേശി എ റബിന് എന്നിവരെയാണ് കോഴിക്കോട് സൈബര് പൊലീസ് അറസ്റ്റ് ചെയ്തത്. ഉത്തരേന്ത്യയിലോ വിദേശത്തോ ഉള്ള തട്ടിപ്പ് സംഘങ്ങള്ക്ക് കേരളത്തില് നിന്ന് ബാങ്ക് അക്കൗണ്ട് വിവരങ്ങള് സംഘടിപ്പിച്ച് നല്കി കമ്മീഷന് പറ്റുന്നവരാണ് പിടിയിലായവരെന്ന് പൊലീസ് അറിച്ചു.
