തൃശ്ശൂർ: റിപ്പബ്ലിക് ദിനാഘോഷത്തിന്റെ ഭാഗമായി കാട്ടകാമ്പാൽ ഗ്രാമപഞ്ചായത്തിലെ എട്ടാം വാർഡിൽ ഉൾപ്പെട്ട അയിനൂർ വെസ്റ്റ് അമ്പതാം നമ്പർ അങ്കണവാടിയിൽ വാർഡ് മെമ്പർ മോനിഷ രജീഷ് ദേശീയ പതാക ഉയർത്തി. തുടർന്ന് അങ്കണവാടി ടീച്ചർ ബിന്ദു രാജൻ കുട്ടികൾക്ക് റിപ്പബ്ലിക് ദിന പ്രതിജ്ഞ ചൊല്ലിക്കൊടുത്തു.
വാർഡിലെ പുതുതായി തിരഞ്ഞെടുക്കപ്പെട്ട മെമ്പറായ മോനിഷ രജീഷിനെ അങ്കണവാടി മാതൃസമിതി അംഗങ്ങളും രക്ഷിതാക്കളും ചേർന്ന് ഷാൾ അണിയിച്ച് സ്വീകരണം നൽകി. തുടർന്ന് കുട്ടികൾക്ക് മെമ്പർ സമ്മാനങ്ങൾ വിതരണം ചെയ്തു. പരിപാടിയുടെ ഭാഗമായി മധുരവിതരണവും നടത്തി.പരിപാടികൾക്ക് അങ്കണവാടി ടീച്ചർ മിസ്രിയ, ആശാ പ്രവർത്തക അംബിക ജനാർദ്ദനൻ, ജെറി ജെയിംസ്, ജിജിഷ് സി.വി., ലത മോഹനൻ, ലൈജു പി.കെ., ഗിരിജ പ്രകാശൻ, ഷാജു പി.കെ., ഭരതൻ എ.കെ., പൂജ, നിവേദ്യ കെ.ആർ. എന്നിവർ നേതൃത്വം നൽകി.
