കൊച്ചി: വിവാദങ്ങൾക്കിടെ കേരള സ്റ്റോറി 2 റിലീസ് തടഞ്ഞ് ഹൈക്കോടതി. നാളെ തിയേറ്ററുകളിൽ റിലീസ് ചെയ്യാനിരിക്കെയാണ് കോടതിയുടെ വിലക്ക്. 15 ദിവസത്തേക്കാണ് നിരോധനം. ഈ 15 ദിവസത്തിനുള്ളിൽ സെൻസർ ബോർഡ് സിനിമ വീണ്ടും കണ്ട് സർട്ടിഫിക്കറ്റിന്റെ കാര്യത്തിൽ തീരുമാനം എടുക്കണമെന്നാണ് കോടതിയുടെ ഉത്തരവ്. നിർമ്മാതാക്കൾ സിനിമ കോടതിയിൽ പ്രദർശിപ്പിക്കാൻ വിസമ്മതിച്ചതിനേയും കോടതി വിമർശിച്ചു. കേരളത്തിന്റെ മതസൗഹാർദത്തെ തകർക്കാനുള്ള ശ്രമമുണ്ടെങ്കിൽ സിനിമ അം​ഗീകരിക്കാനാവില്ലെന്നും ഹർജിക്കാർ പറയുന്നതിൽ പ്രഥമദൃഷ്ട്യാ കാര്യമുണ്ടെന്നും കോടതി അറിയിച്ചു.