കൊച്ചി: വരാനിരിക്കുന്ന നിയമസഭാ തെരഞ്ഞെടുപ്പിൽ ഇടതുപക്ഷ ജനാധിപത്യ മുന്നണിക്ക് (എൽഡിഎഫ്) പിഡിപി പൂർണ്ണ പിന്തുണ പ്രഖ്യാപിച്ചു.തദ്ദേശ തിരഞ്ഞെടുപ്പിൽ പലസ്ഥലങ്ങളിലും എൽ ഡി എഫിന് പിന്തുണ പി ഡി പി നൽകിയിരുന്നു . കൊച്ചിയിൽ നടന്ന വാർത്താസമ്മേളനത്തിലാണ് പാർട്ടി ഭാരവാഹികൾ ഇക്കാര്യം ഔദ്യോഗികമായി അറിയിച്ചത്. മുഖ്യമന്ത്രി പിണറായി വിജയൻ, സിപിഐഎം സംസ്ഥാന സെക്രട്ടറി എം.വി. ഗോവിന്ദൻ എന്നിവരുമായി നടത്തിയ ചർച്ചകളുടെ അടിസ്ഥാനത്തിലാണ് ഈ രാഷ്ട്രീയ ധാരണ രൂപപ്പെടുത്തിയതെന്ന് നേതാക്കൾ വ്യക്തമാക്കി.എൽഡിഎഫ് അധികാരത്തിൽ വന്നാൽ ഒരു സഖ്യകക്ഷിക്ക് ലഭിക്കുന്ന പരിഗണന പിഡിപിക്ക് ഉറപ്പായും ലഭിക്കുമെന്ന വിശ്വാസമുണ്ടെന്ന് നേതാക്കൾ പറഞ്ഞു.
