എറണാകുളം: കൂത്താട്ടുകുളത്ത് അതിഥി തൊഴിലാളിക്ക് സൂര്യാഘാതമേറ്റ് ഗുരുതര പൊള്ളൽ. ഒറീസ സ്വദേശിയായ പാണ്ഡവ ബൈരക്കാണ് ഗുരുതരമായി പൊള്ളലേറ്റത്. തടിമില്ലിലെ ജോലിക്കാരനാണ് ഇദ്ദേഹം. ഇയാളുടെ കൈകളിലും കഴുത്തിലുമാണ് പൊള്ളലേറ്റിട്ടുള്ളത്. കണ്ണൂരിൽ സൂര്യാഘാതമേറ്റ് യുവാവ് മരിച്ചിരുന്നു. സംസ്ഥാനത്ത് കടുത്ത ചൂടാണ് അനുഭവപ്പെടുന്നത്. പലയിടങ്ങളിലും ആളുകൾ ചൂടിനാൽ വലയുകയാണ്. ചൂട് കൂടുന്നതിനാൽ കേന്ദ്ര കാലാവസ്ഥ വകുപ്പിന്റെ ജാഗ്രത മുന്നറിയിപ്പുണ്ട്. പാലക്കാട്, കൊല്ലം, തൃശൂർ ജില്ലകളിൽ ഇന്നും നാളെയും ഓറഞ്ച് അലർട്ട് പ്രഖ്യാപിച്ചിരിക്കുകയാണ്.