വീണ്ടുമൊരു എല് ക്ലാസിക്കോയ്ക്കായി കാത്തിരിക്കുകയാണ് ആരാധകർ. റയല് മഡ്രിഡും ബാഴ്സലോണയും ഏറ്റമുട്ടുമ്പോള് അത് സ്പാനിഷ് ഫുട്ബോളിനെ മാത്രമല്ല, ലോക ഫുട്ബോളിനെയൊന്നാകെ ത്രസിപ്പിക്കും. നിലവില് അവസാന അഞ്ച് സ്പാനിഷ് ലാലിഗ മത്സരങ്ങളിലും ജയിച്ചാണ് ബാഴ്സയുടെ മുന്നേറ്റം. റയല് മഡ്രിഡ് അവസാന അഞ്ചുകളിയില് രണ്ടെണ്ണം ജയിച്ചു. രണ്ടുസമനിലയും ഒരു തോല്വിയും. കിരീടത്തിലേക്കുള്ള ബാഴ്സയുടെ പോരാട്ടത്തിന് 11 പോയിന്റ് പിന്നിലാണ് റയലിന്റെ ഓട്ടം. ഇതിനിടെയാണ് എല് ക്ലാസിക്കോ അരങ്ങേറുന്നത്.
ഒരുമാസത്തോളമായി ബാഴ്സലോണയുടെ മുന്നേറ്റത്തില് കാര്യമായ വിടവുണ്ട്. ബ്രസീലിയന് ഫോര്വേഡ് റഫീഞ്ഞ ഇല്ലാത്തതാണ് ടീമിന് തിരിച്ചടിയായിരുന്നത്. ബ്രസീലിനുവേണ്ടി കളിക്കുന്നതിനിടെ പരിക്കേറ്റ റഫീഞ്ഞയുടെ തിരിച്ചുവരവ് ബാഴ്സലോണയ്ക്ക് ആശ്വാസമാണ്. റഫീഞ്ഞയുടെ തിരിച്ചുവരവ് ബാഴ്സ ക്യാമ്പിന് ആശ്വാസമാണെങ്കിലും ലമീന് യമാല് ഇല്ലാത്തത് തിരിച്ചടിയാണ്. പരിക്കേറ്റ കൗമാര താരം ലമീന് യമാല് ഇല്ലാതെയാണ് ബാഴ്സ അടുത്ത മത്സരങ്ങളില് കളിക്കാനിറങ്ങുക.
