കുവൈത്ത് സിറ്റി: ഈദ് അവധിക്കാല യാത്രകൾ മുന്നിൽക്കണ്ട് ജസീറ എയർവേസ് പുതിയ സർവിസുകൾ പ്രഖ്യാപിച്ചു. കുവൈത്തിൽ നിന്ന് ഇറ്റലിയിലെ മിലാൻ ബെർഗാമോയിലേക്ക് മേയ് 22 മുതൽ നേരിട്ടുള്ള സർവിസ് ആരംഭിക്കുമെന്ന് കമ്പനി അറിയിച്ചു.

മൊത്തം 38 ലക്ഷ്യസ്ഥാനങ്ങളിലേക്കുള്ള സർവിസുകളാണ് പ്രഖ്യാപിച്ചിരിക്കുന്നത്. കൂടാതെ ടെർമിനൽ-5ൽ നിന്ന് 11 ലക്ഷ്യസ്ഥാനങ്ങളിലേക്കുള്ള സർവിസുകളും പുനരാരംഭിച്ചു.

മിഡിൽ ഈസ്റ്റ്, യൂറോപ്പ്, ഏഷ്യ എന്നിവിടങ്ങളിലായി 17 രാജ്യങ്ങളിലേക്കാണ് ജസീറ എയർവേസ് സർവിസ് നടത്തുന്നത്. യാത്രക്കാർക്ക് കൂടുതൽ സൗകര്യപ്രദവും സുഗമവുമായ യാത്രാനുഭവം ഉറപ്പാക്കാൻ ശ്രമിക്കുന്നതായി അധികൃതർ വ്യക്തമാക്കി.