കണ്ണൂർ: പാനൂരിൽ പഴയ വീട് പൊളിക്കുന്നതിനിടയിൽ സ്ലാബ് തകർന്ന് ദേഹത്ത് വീണ് യുവാവിന് ദാരുണാന്ത്യം. തെക്കെ പാനൂരിലെ വൈകുണ്ഡത്തിൽ ജിതീഷ്(43)ആണ് മരിച്ചത്.

തെക്കെ പാനൂർ വയൽഭാഗത്തെ പഴയ വീടിന്റെ സ്ലാബ് പൊളിക്കുന്ന ജോലിക്കിടെയായിരുന്നു അപകടം. സ്ലാബ് ഇടിഞ്ഞുവീഴുന്നതിനിടെ ജിതേഷ് താഴേക്ക് വീഴുകയും സ്ലാബിന്റെ അടിയിൽപ്പെടുകയുമായിരുന്നു.

അപകട വിവരം അറിഞ്ഞെത്തിയ നാട്ടുകാരും പാനൂർ അഗ്നിരക്ഷാസേനയും ചേർന്ന് രക്ഷാപ്രവർത്തനം നടത്തി ജിതീഷിനെ പുറത്തെടുത്തു. തുടർന്ന് ആശുപത്രിയിലെത്തിച്ചെങ്കിലും പരിക്ക് ഗുരുതരമായതിനാൽ ജീവൻ രക്ഷിക്കാനായില്ല.