Whiteswan Tv - News
Sunday, Feb 22, 2026
സധൈര്യം ജനങ്ങൾക്കൊപ്പം

സർക്കാരിന്റെ വൈദ്യുതി കരാറുകളിൽ കോടികളുടെ അഴിമതിയെന്ന് ആരോപണം; ജുഡീഷ്യൽ അന്വേഷണം ആവശ്യപ്പെട്ട് സിപിഎം

Lorem ipsum dolor sit amet, consectetur adipiscing elit. Ut elit tellus, luctus nec ullamcorper mattis, pulvinar dapibus leo. Aliquam non leo id magna vulputate dapibus. Curabitur a porta metus. In viverra ipsum nec vehicula pharetra. Proin egestas nulla velit, id faucibus mi ultrices et.

തിരുവനന്തപുരം: യുഡിഎഫ് സർക്കാരിന്റെ കാലത്ത് ഒപ്പിട്ട രണ്ട് വൈദ്യുതി കരാറുകളുമായി ബന്ധപ്പെട്ട് കോടികളുടെ അഴിമതി നടന്നെന്ന ആരോപണത്തിൽ ജുഡീഷ്യൽ അന്വേഷണം ആവശ്യപ്പെട്ട് സിപിഎം. വിഇഎച്ച് ഗ്ലോബൽ ഇന്ത്യയിൽ നിന്ന് 200 മെഗാവാട്ടും ഹിമാചൽ പ്രദേശിൽ നിന്ന് 900 മെഗാവാട്ടും വൈദ്യുതി വാങ്ങിയതിൽ ക്രമക്കേട് നടന്നതായാണ് പുറത്തുവന്ന രേഖകൾ വ്യക്തമാക്കുന്നതെന്ന് സിപിഎം സംസ്ഥാന സെക്രട്ടേറിയറ്റ് പ്രസ്താവനയിൽ ആരോപിച്ചു.

വിഇഎച്ച് ഗ്ലോബൽ ഇന്ത്യയിൽ നിന്ന് കാറ്റാടിയിലൂടെ ഉൽപ്പാദിപ്പിക്കുന്ന വൈദ്യുതി യൂണിറ്റിന് 11 രൂപ നിരക്കിലാണ് വാങ്ങിയതെന്നാണ് സിപിഎമ്മിന്റെ ആരോപണം. കാറ്റാടി വൈദ്യുതി കുറഞ്ഞ നിരക്കിൽ ലഭ്യമാണെന്നിരിക്കെ ഇരട്ടിയിലധികം തുക നൽകി വൈദ്യുതി വാങ്ങിയത് സംശയാസ്പദമാണെന്നും പ്രസ്താവനയിൽ ചൂണ്ടിക്കാട്ടി.

ഹിമാചൽ പ്രദേശിൽ നിന്നുള്ള വൈദ്യുതിയുടെ നിരക്കും എനർജി എക്സ്ചേഞ്ചിലെ നിരക്കിനേക്കാൾ കൂടുതലായിരുന്നുവെന്നാണ് മറ്റൊരു ആരോപണം. കരാർ പ്രകാരം ഒക്ടോബർ മാസത്തിൽ മാത്രം കെഎസ്ഇബി 282 കോടി രൂപയുടെ വൈദ്യുതി വാങ്ങിയതായും സിപിഎം വ്യക്തമാക്കി.

ടെൻഡർ നടപടികളോ റെഗുലേറ്ററി കമ്മീഷന്റെ അനുമതിയോ നിയമ-ധനകാര്യ വകുപ്പുകളുടെ പരിശോധനയോ ഇല്ലാതെയാണ് കരാറുകൾക്ക് അനുമതി നൽകിയതെന്നാണ് സിപിഎമ്മിന്റെ ആരോപണം. ഫയലുകളിൽ മുഖ്യമന്ത്രി നേരിട്ട് അതിവേഗം ഉത്തരവിറക്കിയെന്നും വിവിധ വകുപ്പുകൾ മുഖ്യമന്ത്രി തന്നെ കൈകാര്യം ചെയ്തതിനു പിന്നിൽ അഴിമതി ലക്ഷ്യമുണ്ടെന്ന സംശയം ഉയർന്നിരുന്നുവെന്നും പ്രസ്താവനയിൽ പറയുന്നു.

സർക്കാർ അധികാരത്തിലെത്തി ആറുമാസം തികയുന്നതിന് മുമ്പുതന്നെ ഗുരുതരമായ അഴിമതി ആരോപണങ്ങൾ ഉയർന്നുവന്നിരിക്കുകയാണെന്നും സിപിഎം കുറ്റപ്പെടുത്തി. ജിഎൻഎ കമ്പനിയുമായി കരാറിൽ ഒപ്പിട്ടിട്ടില്ലെന്നും അഴിമതി നടന്നത് എങ്ങനെയെന്നുമുള്ള മുഖ്യമന്ത്രിയുടെ ചോദ്യത്തെയും സിപിഎം വിമർശിച്ചു.

ഒക്ടോബറിലെ രണ്ട് വൈദ്യുതി കരാറുകൾ പ്രകാരം ഉയർന്ന നിരക്കിൽ വൈദ്യുതി വാങ്ങാൻ നേതൃത്വം നൽകിയത് മുഖ്യമന്ത്രിയാണെന്നാണ് സിപിഎമ്മിന്റെ ആരോപണം. കരാറുകളുമായി ബന്ധപ്പെട്ട മുഴുവൻ കാര്യങ്ങളും പുറത്തുകൊണ്ടുവരാൻ സമഗ്രമായ ജുഡീഷ്യൽ അന്വേഷണം നടത്തണമെന്നും കുറ്റക്കാരെ കണ്ടെത്തി നടപടിയെടുക്കണമെന്നും സിപിഎം സംസ്ഥാന സെക്രട്ടേറിയറ്റ് ആവശ്യപ്പെട്ടു.

വൈറ്റ്സ്വാൻ ടിവി ന്യൂസിന്റെ ഏറ്റവും പുതിയ വാർത്തകൾ ഇനി വാട്സ്ആപ്പ് വഴിയും ലഭിക്കും.

Lorem ipsum dolor sit amet, consectetur adipiscing elit. Ut elit tellus, luctus nec ullamcorper mattis, pulvinar dapibus leo.

Recent News

Advertisement
WhiteswanTV Footer – WordPress Mobile Fix