തലശ്ശേരി:കണ്ണൂര് പാനൂരിലെ വിഷ്ണുപ്രിയ കൊലക്കേസില് ശിക്ഷാ വിധി ഇന്ന്.കഴിഞ്ഞ ദിവസം കേസില് തലശ്ശേരി അഡീഷണല് ജില്ലാ സെഷന്സ് കോടതി പ്രതി ശ്യാംജിത്ത് കുറ്റക്കാരനാണെന്ന് വിധിച്ചിരുന്നു.ശേഷം ശിക്ഷാ വിധി ഇന്നത്തേക്ക് മാറ്റി വെച്ചതാണ്. പ്രതിക്ക് പരമാവധി ശിക്ഷ നല്കണമെന്നാണ് പ്രോസിക്യൂഷന് ആവശ്യം. കൃത്യമായ സാക്ഷി മൊഴികളും തെളിവുകളും ഹാജരാക്കാന് കഴിഞ്ഞത് പ്രതിക്ക് പരമാവധി ശിക്ഷ നല്കാന് സഹായമാകുമെന്നും പ്രോസിക്യൂഷന് കരുതുന്നു.
നാല് ജില്ലകളില്; ഇടിമിന്നലിനും ശക്തമായ കാറ്റിനും സാധ്യത
2022 ഒക്ടോബര് 22നാണ് പട്ടാപ്പകല് വീട്ടില് കയറി വിഷ്ണുപ്രിയയെ സുഹൃത്ത് ശ്യാംജിത്ത് കൊലപ്പെടുത്തിയത്.പ്രണയത്തില് നിന്ന് പിന്മാറിയതിലുള്ള പകയാണ് കൊലയിലേക്ക് നയിച്ചത്. കൊല മൃഗീയമായിരുന്നുവെന്നാണ് കോടതിയില് പ്രോസിക്യൂഷന് വാദിച്ചത്.
എന്തെങ്കിലും പറയാനുണ്ടോ എന്ന് ചോദിച്ച മജിസ്ട്രേറ്റിന് മുന്നില് പ്രതി മൗനം പാലിക്കുകയായിരുന്നു.
