തിരുവനന്തപുരം: സംസ്ഥാനത്ത് മഴ വീണ്ടും ശക്തമാകുന്നു. എട്ട് ജില്ലകളിലാണ് യെല്ലോ അലര്ട്ട് പ്രഖ്യാപിച്ചിരിക്കുന്നത്. തിരുവനന്തപുരം, കൊല്ലം, ആലപ്പുഴ, പത്തനംതിട്ട, എറണാകുളം, കോട്ടയം, ഇടുക്കി, തൃശ്ശൂര് എന്നീ ജില്ലകളിലാണ് യെല്ലോ അലര്ട്ട് പ്രഖ്യാപിച്ചത്. കേരള കര്ണാടക ലക്ഷദ്വീപ് തീരങ്ങളില് മത്സ്യബന്ധനത്തിന് വിലക്കുണ്ട്.
കോട്ടയം ജില്ലയിലെ മണിമല നദിയില് ജലനിരപ്പ് ഉയരുന്നതിനാല് തീരത്തോട് ചേര്ന്ന് താമസിക്കുന്നവര് ജാഗ്രത പുലര്ത്തണമെന്നും കേന്ദ്ര ജല കമ്മീഷന് മുന്നറിയിപ്പ് നല്കിയിരുന്നു. അതിശക്തമായ മഴയുണ്ടാകുമെന്നാണ് മുന്നറിയിപ്പ്.
ഇന്ത്യന് തീരത്ത് നിന്ന് അകന്നു പോകുന്ന ന്യുന മര്ദ്ദം ഞായറാഴ്ചയോടെ തീവ്ര ന്യൂന മര്ദ്ദമായി ശക്തി പ്രാപിക്കാനും സാധ്യതയുണ്ട്. ഉരുള്പൊട്ടലിനും മണ്ണിടിച്ചിലിനുമടക്കം സാധ്യതയുള്ളതിനാല് ജാഗ്രത വേണമെന്ന് കേന്ദ്ര കാലാവസ്ഥാ വകുപ്പ് മുന്നറിയിപ്പ് നല്കിയത്.
