Whiteswan Tv - News
Sunday, Feb 22, 2026
സധൈര്യം ജനങ്ങൾക്കൊപ്പം

എൽപിഎസ്ടി ഉദ്യോഗാർഥികളുടെ സമരം ശക്തമാകുന്നു; വെള്ളിയാഴ്ച തല മുണ്ഡനം ചെയ്ത് പ്രതിഷേധിക്കുമെന്ന് ജയകൃഷ്ണൻ

Lorem ipsum dolor sit amet, consectetur adipiscing elit. Ut elit tellus, luctus nec ullamcorper mattis, pulvinar dapibus leo. Aliquam non leo id magna vulputate dapibus. Curabitur a porta metus. In viverra ipsum nec vehicula pharetra. Proin egestas nulla velit, id faucibus mi ultrices et.

തിരുവനന്തപുരം: നിയമന ആവശ്യങ്ങൾ ഉന്നയിച്ച് സമരം നടത്തുന്ന എൽപിഎസ്ടി ഉദ്യോഗാർഥികൾ പ്രതിഷേധം ശക്തമാക്കുന്നു. സമരത്തിന്റെ ഭാഗമായി നിരാഹാര സമരം നടത്തുന്ന സമരസമിതി നേതാവ് ജയകൃഷ്ണൻ വെള്ളിയാഴ്ച തല മുണ്ഡനം ചെയ്ത് പ്രതിഷേധിക്കും. നേരത്തെ സമരസമിതി സെക്രട്ടറി വളർമതിയും തല മുണ്ഡനം ചെയ്ത് പ്രതിഷേധിച്ചിരുന്നു.

സർക്കാർ വീണ്ടും ചർച്ച നടത്തുന്നത് സമരം നീട്ടിക്കൊണ്ടുപോകാനാണെന്നാണ് ഉദ്യോഗാർഥികളുടെ ആരോപണം. മുഖ്യമന്ത്രി നേരത്തെ സ്വീകരിച്ച നിലപാടിൽ നിന്ന് പിന്നോട്ട് പോയെന്നും സമരക്കാർ പറയുന്നു. മുഖ്യമന്ത്രിയുടെ നേതൃത്വത്തിൽ നടന്ന ചർച്ചയിൽ അധ്യാപക-വിദ്യാർഥി അനുപാതം കുറയ്ക്കാനുള്ള നിർദേശത്തെ ധനവകുപ്പ് എതിർത്തതായും ഉദ്യോഗാർഥികൾ ആരോപിക്കുന്നു.

സർക്കാർ തീരുമാനം വൈകിപ്പിക്കുന്നത് ആശങ്കയുണ്ടാക്കുന്നുണ്ട്. വ്യക്തമായ മുന്നൊരുക്കങ്ങളില്ലാതെയാണ് സർക്കാർ നേരത്തെ ചർച്ചയ്ക്ക് എത്തിയതെന്നും സമരസമിതി ആരോപിച്ചു. വിരമിക്കൽ ഒഴിവുകളിൽ റാങ്ക് പട്ടികയിൽ നിന്ന് നിയമനം നടത്തണമെന്ന നിർദേശത്തോട് അധ്യാപക സംഘടനകൾക്ക് എതിർപ്പുണ്ടെന്നാണ് വിവരം. ഈ എതിർപ്പ് ചൂണ്ടിക്കാട്ടി സർക്കാർ വീണ്ടും തീരുമാനം വൈകിപ്പിക്കുമോയെന്നും ഉദ്യോഗാർഥികൾ ആശങ്കപ്പെടുന്നു.

അതേസമയം, എൽപിഎസ്ടി ഉദ്യോഗാർഥികളുമായി കൂടുതൽ ചർച്ചകൾ നടത്തുമെന്ന് വിദ്യാഭ്യാസ മന്ത്രി എൻ. ഷംസുദ്ദീൻ കഴിഞ്ഞ ദിവസം വ്യക്തമാക്കിയിരുന്നു. അധ്യാപക-വിദ്യാർഥി അനുപാതം 1:25 ആക്കണമെന്ന ആവശ്യത്തിൽ കൂടുതൽ ചർച്ചകൾ ആവശ്യമാണെന്നും സാമ്പത്തിക ബാധ്യത വലിയ പ്രശ്നമാണെന്നും മന്ത്രി പറഞ്ഞു.

150 കുട്ടികളിൽ കൂടുതൽ പഠിക്കുന്ന സ്കൂളുകളിൽ ക്ലാസ് ചുമതലയുള്ള പ്രധാനാധ്യാപകർക്ക് പകരം റാങ്ക് പട്ടികയിൽ നിന്ന് നിയമനം നടത്താൻ സർക്കാർ തീരുമാനിച്ചതായും മന്ത്രി അറിയിച്ചിരുന്നു. ഈ തീരുമാനം നടപ്പാക്കിയാൽ ഏകദേശം 300 ഒഴിവുകൾ ഉണ്ടാകുമെന്നാണ് പ്രതീക്ഷിക്കുന്നത്. സർക്കാരിന്റെ അന്തിമ തീരുമാനത്തിനായി കാത്തിരിക്കുമ്പോഴും സമരം ശക്തമായി തുടരാനാണ് എൽപിഎസ്ടി ഉദ്യോഗാർഥികളുടെ തീരുമാനം.

വൈറ്റ്സ്വാൻ ടിവി ന്യൂസിന്റെ ഏറ്റവും പുതിയ വാർത്തകൾ ഇനി വാട്സ്ആപ്പ് വഴിയും ലഭിക്കും.

Lorem ipsum dolor sit amet, consectetur adipiscing elit. Ut elit tellus, luctus nec ullamcorper mattis, pulvinar dapibus leo.

Leave a Reply

Your email address will not be published. Required fields are marked *

Recent News

Advertisement
WhiteswanTV Footer – WordPress Mobile Fix