കൊച്ചി: തൂണേരി ഷിബിന് വധക്കേസില് ആറ് പ്രതികള്ക്കും ജീവപര്യന്തം ശിക്ഷ വിധിച്ച് ഹൈക്കോടതി. ഹൈക്കോടതി ഡിവിഷന് ബെഞ്ചിന്റേതാണ് വിധി. ഒന്ന് മുതല് നാല് വരെയുള്ള പ്രതികള്ക്കും, 15,16 പ്രതികള്ക്കുമാണ് ജീവപര്യന്തം ശിക്ഷ വിധിച്ചത്.
വിദേശത്തായിരുന്ന പ്രതികള് കഴിഞ്ഞ ദിവസമാണ് കേരളത്തിലെത്തിയത്. ഒരോ ലക്ഷം വീതം പ്രതികള് അഞ്ച് ലക്ഷം രൂപ പിഴയും ഒടുക്കണം. ഈ തുക ഷിബിന്റെ മാതാപിതാക്കള്ക്ക് നല്കണമെന്നും കോടതി നിര്ദേശിച്ചു.
നെടുമ്പാശ്ശേരിയില് വിമാനം ഇറങ്ങിയ പ്രതികളെ പൊലീസ് കസ്റ്റഡിയില് എടുക്കുകയായിരുന്നു. നാല് പ്രതികള് ദോഹയില് നിന്നും രണ്ട് പേര് ദുബായില് നിന്നുമാണ് എത്തിയത്.
വിചാരണ കോടതി വെറുതെ വിട്ട ഏഴ് പ്രതികള് കുറ്റക്കാരാണെന്ന് ഹൈക്കോടതി കണ്ടെത്തിയിരുന്നു. 2015 ജനുവരി 22നായിരുന്നു ഡിവൈഎഫ്ഐ പ്രവര്ത്തകനായ ഷിബിനെ മുസ്ലിംലീഗ് പ്രവര്ത്തകര് കൊലപ്പെടുത്തിയത്.
