കൊച്ചി: നടന് ഇടവേള ബാബുവിനെതിരായ കേസിലെ നടപടികള് സ്റ്റേ ചെയ്ത് ഹൈക്കോടതി. കേസ് റദ്ദാക്കണം എന്ന് ആവശ്യപ്പെട്ട് ഇടവേള ബാബു ഹൈക്കോടതിയെ സമീപിക്കുകയായിരുന്നു. ജൂനിയര് ആര്ട്ടിസ്റ്റിന്റെ പരാതിയില് ഇടവേള ബാബുവിനെതിരെ കോഴിക്കോട് നടക്കാവ് പൊലീസ് എടുത്ത കേസിലെ നടപടികളാണ് സ്റ്റേ ചെയ്തിരിക്കുന്നത്. സിനിമയിലെ അവസരത്തിനും അമ്മയിലെ അംഗത്വത്തിനും തന്റെ താല്പര്യത്തിന് വഴങ്ങണം എന്ന് ആവശ്യപ്പെട്ടു എന്നായിരുന്നു ജൂനിയര് ആര്ട്ടിസ്റ്റിന്റെ പരാതി.
ഹേമകമ്മിറ്റി റിപ്പോര്ട്ടിന് പിന്നാലെ മലയാള സിനിമയിലെ നിരവധി താരങ്ങള്ക്കെതിരെ ലൈംഗികാരോപണം ഉയര്ന്നിരുന്നു. നടന് മുകേഷ്, സിദ്ധിഖ്, ജയസൂര്യ തുടങ്ങിയ താരങ്ങളും പീഡനക്കേസുകളില് പ്രതി ചേര്ക്കപ്പെട്ടിരുന്നു. സിനിമയില് അവസരം വാഗ്ദാനം ചെയ്തും, സിനിമ സംഘടനയായ അമ്മയില് അംഗത്വം നല്കാമെന്ന് വാഗ്ദാനം ചെയ്തും പീഡനം നടത്തിയെന്നാണ് അതിജീവിത ആരോപണമുന്നയിച്ചത്.
