ഡല്ഹി: വടക്ക് പടിഞ്ഞാറന് ഡല്ഹിയിലെ പ്രശാന്ത് വിഹാറില് സ്ഫോടനം. പിവിആര് സിനിമ ഹാളിന് സമീപത്തായി രാവിലെ 11.48 ഓടെയാണ് സ്ഫോടനം ഉണ്ടായത്. സംഭവത്തില് ഇതുവരെ ആളപായം റിപ്പോര്ട്ട് ചെയ്തിട്ടില്ല. പൊലീസും ഫയര്ഫോഴ്സും സംഭവസ്ഥലത്ത് എത്തിയിട്ടുണ്ട്. ഡല്ഹി പൊലീസിലെ സ്പെഷ്യല് സെല് സംഘം സ്ഥലത്തെത്തി പരിശോധന നടത്തി.
ഒരു പാര്ക്കിന്റെ മതിലിനോട് ചേര്ന്നാണ് സ്ഫോടനം ഉണ്ടായത്. സ്ഥലത്ത് നിന്നും അന്വേഷണസംഘത്തിന് വെളുത്ത പൊടിപോലെയുള്ള പദാര്ത്ഥം ലഭിച്ചിട്ടുണ്ട്. 11.48 ഓടെ വന്ന ഫോണ്കോളിലൂടെയാണ് സ്ഫോടനത്തെ കുറിച്ച് അറിഞ്ഞതെന്ന് ഫയര്ഫോഴ്സ് ഉദ്യോഗസ്ഥര് പറഞ്ഞു. ഈ ഫോണ് കോള് കേന്ദ്രീകരിച്ച് പൊലീസ് അന്വേഷണം നടത്തുന്നുണ്ട്.
ഒരുമാസം മുന്പ് പ്രശാന്ത് വിഹാറിലെ സിആര്പിഎഫ് സ്കൂളിന് സമീപം സ്ഫോടനമുണ്ടായിരുന്നു. സ്ഫോടനത്തില് സ്കൂള് തകര്ന്നെങ്കിലും ആളപായം ഉണ്ടായിരുന്നില്ല.
