കൊച്ചി: കൊച്ചിയിലെ ഫ്ളാറ്റില് നഗ്നതാ പ്രദര്ശനം നടത്തിയതില് മാപ്പ് ചോദിച്ച് നടന് വിനായകന്. ഫേസ്ബുക്ക് പോസ്റ്റിലൂടെയായിരുന്നു നടന്റെ പ്രതികരണം. ‘സിനിമ നടന് എന്ന നിലയിലും വ്യക്തി എന്ന നിലയിലും പല വിഷയങ്ങളും കൈകാര്യം ചെയ്യാന് എനിക്ക് പറ്റുന്നില്ല. എന്റെ ഭാഗത്തുനിന്നുണ്ടായ എല്ലാ നെഗറ്റീവ് എനര്ജികള്ക്കും പൊതുസമൂഹത്തോട് ഞാന് മാപ്പ് ചോദിക്കുന്നു. ചര്ച്ചകള് തുടരട്ടെ,’ എന്നാണ് വിനായകന് പങ്കുവെച്ച് കുറിപ്പില് പറയുന്നത്.
കഴിഞ്ഞ ദിവസമാണ് കൊച്ചിയിലെ ഫ്ളാറ്റിന്റെ ബാല്ക്കണിയില് നിന്നുകൊണ്ട് വിനായകന് നഗ്നതാ പ്രദര്ശനം നടത്തിയത്. ഉടുവസ്ത്രം അഴിച്ച് നഗ്നത പ്രദര്ശിപ്പിക്കുന്ന ദൃശ്യങ്ങളാണ് പുറത്തുവന്നത്. ആളുകളെ അസഭ്യം പറഞ്ഞെന്നും ആരോപണങ്ങള് ഉയരുന്നുണ്ട്. ദ്യശ്യങ്ങള് പുറത്തുവന്നതോടെ നടനെതിരെ സാമൂഹ്യമാധ്യമങ്ങളിലടക്കം രൂക്ഷവിമര്ശനമാണ് ഉയര്ന്നത്.
