മൂന്നാര്: തമിഴ് സിനിമ-സീരിയല് നടന് കെ സുബ്രഹ്മണ്യന് (57) കുഴഞ്ഞുവീണുമരിച്ചു. തൊടുപുഴയില് നടന്ന സിപിഐഎം ജില്ലാ സമ്മേളനത്തില് പങ്കെടുത്ത് മടങ്ങുന്നതിനിടെ വ്യാഴാഴ്ച അടിമാലിയില് വെച്ച് കുഴഞ്ഞുവീഴുകയായിരുന്നു. ഉടന് ആശുപത്രിയിലെത്തിച്ചെങ്കിലും ജീവന് രക്ഷിക്കാനായില്ല. സിപിഐഎം ഇക്കാനഗര് ബ്രാഞ്ച് മുന് സെക്രട്ടറിയാണ്.
തമിഴ് ഹിറ്റ് സിനിമകളായ മൈന, കഴുക്, കുംകി എന്നിവയില് ഉള്പ്പെടെ ഒട്ടേറെ സിനിമകളില് അഭിനയിച്ചിട്ടുണ്ട്. മൂന്നാറില് ചിത്രീകരിച്ച വിവിധ മലയാളം, ഹിന്ദി, തമിഴ്, തെലുങ്ക് സിനിമകളുടെ ലൊക്കേഷന് മാനേജരായും സുബ്രഹ്മണ്യന് പ്രവര്ത്തിച്ചിട്ടുണ്ട്. മക്കള്: വിദ്യ, വിവേക്. മരുമക്കള്: കാര്ത്തിക്, അഭിരാമി. സംസ്കാരം ഇന്ന് ശാന്തിവനത്തില് നടന്നു.
