മലപ്പുറം : എം സ്വരാജ് ക്ലീൻ ഇമേജുള്ള വ്യക്തിയാണെന്നും അദ്ദേഹത്തിന് ആരുടെ മുന്നിലും തല ഉയർത്തി നിന്ന് വോട്ട് ചോദിക്കാൻ പറ്റുമെന്നും മുഖ്യമന്ത്രി പിണറായി വിജയൻ. എം സ്വരാജിന്റെ സ്ഥാനാർഥിത്വത്തിൽ കേരളമാകെ ആവേശത്തിലായെന്നും മുഖ്യമന്ത്രി നിലമ്പൂരിൽ വെച്ച് പറഞ്ഞു. കൂടാതെ എൽഡിഎഫ് പ്രവർത്തകർ മാത്രമല്ല എല്ലാവരും തന്നെ സ്വരാജിനെ സ്വീകരിക്കാൻ എത്തി എന്നും മുഖ്യമന്ത്രി പറഞ്ഞു.
കൂടാതെ വലിയ വിജയപ്രതീക്ഷയോടെയാണ് എൽഡിഎഫ് തെരഞ്ഞെടുപ്പിനെ നേരിടുന്നതെന്നും അതിന് കാരണം ജനങ്ങൾ നൽകുന്ന പിന്തുണ തന്നെയാണന്നും അദ്ദേഹം വ്യക്തമാക്കി.നാടിനും ജനങ്ങൾക്കും ദ്രോഹം വരുത്തുന്ന എല്ലാറ്റിനും എതിരെ സർക്കാർ കർശന നിലപാട് സ്വീകാണിച്ചെന്നും ജനങ്ങൾക്ക് ഉപകാരപ്പെടുന്ന പദ്ധതികൾ നടപ്പിലാക്കാനാണ് എൽഡിഎഫ് ശ്രമിച്ചിട്ടുള്ളതെന്നും മുഖ്യമന്ത്രി വേദിയിൽ പറഞ്ഞു.
