തിരുവനന്തപുരം: കോണ്ഗ്രസ് നേതാവ് അജയ് തറയിലിന്റെ ഖദർ പരാമർശത്തിൽ പ്രതികരണവുമായി യൂത്ത് കോണ്ഗ്രസ് വൈസ് പ്രസിഡന്റ് അബിന് വര്ക്കി. കാലത്തിന് അനുസരിച്ച് കോലം മാറണമെന്ന് അബിന് വര്ക്കി ഫേസ്ബുക്കില് കുറിച്ചു. രാഹുല് ഗാന്ധി പോലും മറ്റു വസ്ത്രങ്ങള് അണിയുന്നുണ്ടെന്നും ഖദറിന് ചെലവ് കൂടുതലാണെന്നും അദ്ദേഹം കുറിപ്പിൽ ചൂണ്ടിക്കാട്ടി.
ഖദര് മാത്രം അണിയണമെന്ന് പറയുന്നവര് കാലത്തിന്റെ മാറ്റൊലി കേള്ക്കാത്തവരാണെന്നും ഖദര് ധരിക്കുന്ന ആളാണ്, പക്ഷേ ഖദര് മാത്രം ധരിക്കുന്ന ആളല്ല എന്നും അബിൽ വർക്കി കുറിപ്പിൽ പറഞ്ഞു. യുവനേതാക്കള് ഖദര് ഉപേക്ഷിച്ചുവെന്ന് പരാമർശിച്ചു കൊണ്ട് അജയ് തറയിൽ കഴിഞ്ഞ ദിവസം ഫെയ്സ്ബുക്കിൽ കുറിച്ചത് വലിയ ചർച്ചകൾക്ക് തുടക്കമിട്ടിരുന്നു.
