ദുബായ്: അബുദാബിയിൽ ഉണ്ടായ വാഹനാപകടത്തിൽ അമ്പലപ്പാറ സ്വദേശി മരിച്ചു. അമ്പലപ്പാറ കാളിയത്ത് വീട്ടിൽ ഇർഷാദ് (23) ആണ് മരിച്ചത്. കഴിഞ്ഞ ചൊവ്വാഴ്ച രാത്രിയായിരുന്നു അപകടം നടന്നത്.

അൽ ഐനിൽ നിന്ന് ജോലി ആവശ്യാർത്ഥം അബുദാബിയിലേക്ക് പോയി മടങ്ങുന്നതിനിടെയാണ് കാർ അപകടത്തിൽപ്പെട്ടത്. വാഹനത്തിൽ നാല് പേരുണ്ടായിരുന്നു. അപകടത്തിൽ ഒരു പഞ്ചാബി സ്വദേശി സംഭവസ്ഥലത്തുവെച്ച് തന്നെ മരിച്ചു.

തലയ്ക്ക് ഗുരുതരമായി പരിക്കേറ്റ ഇർഷാദ് അബുദാബിയിലെ ശഖ്ബുത്ത് മെഡിക്കൽ സിറ്റി ആശുപത്രിയിൽ ചികിത്സയിൽ കഴിയുന്നതിനിടെയാണ് ശനിയാഴ്ച രാവിലെ മരണപ്പെട്ടത്. മൃതദേഹം നാട്ടിലെത്തിക്കാനുള്ള നടപടികൾ കുടുംബവും നാട്ടുകാരും ചേർന്ന് പുരോഗമിപ്പിക്കുകയാണ്.