തിരുവനന്തപുരം: സംസ്ഥാനത്തെ സ്കൂളുകളുടെ പുതിയ സമയക്രമത്തിന് അംഗീകാരമായി. രാവിലെ 9.45ന് ആരംഭിച്ച് വൈകിട്ട് 4.15 വരെയാണ് പുതിയ സ്കൂള് സമയം. ഇതോടെ എട്ട് മുതല് 10 വരെ ക്ലാസുകളിലെ പഠന സമയം അരമണിക്കൂര് വര്ധിക്കും. വിദ്യാഭ്യാസ മന്ത്രിയുടെ നേതൃത്വത്തില് തിരുവനന്തപുരത്ത് വിളിച്ചുചേര്ത്ത അധ്യാപക സംഘടനാ പ്രതിനിധികളുടെ യോഗത്തിലാണ് തീരുമാനം.
ജില്ലാ വിദ്യാഭ്യാസ ഓഫീസര്മാരുടെ ഒഴിവുള്ള നാല് തസ്തികകളിലേക്ക് അടിയന്തര നിയമനം നടത്തും. അക്കാദമിക മാസ്റ്റര് പ്ലാന് നടപ്പിലാക്കുന്നതിന് സംഘടനകള് പിന്തുണ അറിയിച്ചു. സ്കൂളുകളുടെ ടേം പരീക്ഷകളും യൂണിറ്റ് പരീക്ഷകളും തുടരുന്നതാണ് ഉചിതം എന്ന അധ്യാപക സംഘടനകളുടെ ആവശ്യം യോഗം അംഗീകരിച്ചു.
