കൊച്ചി: ഇടവേള ബാബുവിനെതിരായ ബലാത്സംഗ കേസില് കേസ് ഡയറി ഹാജരാക്കാന് പൊലീസിന് ഹൈക്കോടതിയുടെ നിര്ദേശം. കേസ് റദ്ദാക്കണമെന്ന് ആവശ്യപ്പെട്ട് നടന് ഇടവേള ബാബു നല്കിയ ഹര്ജിയിലാണ് ഹൈക്കോടതിയുടെ നടപടി. ഇടവേള ബാബുവിന്റെ ഹര്ജി അടുത്ത മാസം അഞ്ചിന് ഹൈക്കോടതി വീണ്ടും പരിഗണിക്കും.
ജൂനിയര് ആര്ട്ടിസ്റ്റിനോട് മോശമായി പെരുമാറിയെന്ന കേസിലാണ് നടപടി. കേസില് വിശദമായ വാദം കേള്ക്കേണ്ടതുണ്ടെന്നും ജസ്റ്റിസ് എ ബദറുദ്ദീന് അധ്യക്ഷനായ സിംഗിള് ബെഞ്ച് നിരീക്ഷിച്ചു.
കേസിലെ തുടര് നടപടികള്ക്ക് നല്കിയ സ്റ്റേ നീട്ടി. സിനിമയിലെ അവസരത്തിനും എഎംഎംഎ സംഘടനയിലെ അംഗത്വത്തിനും വേണ്ടി താല്പര്യങ്ങള്ക്ക് വഴങ്ങാന് നിര്ബന്ധിച്ചുവെന്നാണ് ഇടവേള ബാബുവിനെതിരെയുള്ള കേസ്.
