കാസര്കോട്: മഞ്ചേശ്വരം നിയമസഭ മണ്ഡലത്തിലെ എസ്ഡിപിഐ സ്ഥാനാര്ത്ഥിയെ പിന്വലിച്ചു. സംസ്ഥാന പ്രസിഡന്റ് സിപി ലത്തീഫിന്റെ അദ്ധ്യക്ഷതയില് ചേര്ന്ന യോഗത്തിലാണ് സ്ഥാനാര്ത്ഥിയെ പിന്വലിക്കാന് തീരുമാനിച്ചത്. പിന്നാലെ സ്ഥാനാര്ത്ഥിയായി നിശ്ചയിച്ചിരുന്ന കെ എം അഷ്റഫ് നാമനിര്ദേശ പത്രിക പിന്വലിച്ചു.
നാമനിര്ദേശ പത്രിക സമര്പ്പിക്കുന്നതിനുള്ള അവസാന തിയ്യതിയിലാണ് തീരുമാനം. എസ്ഡിപിഐ സ്ഥാനാര്ത്ഥിത്വം യുഡിഎഫിനെ പരാജയപ്പെടുത്താന് കാരണമാകുമെന്നും ബിജെപിയെ വിജയിപ്പിക്കാന് സഹായിക്കുമെന്നും വിമര്ശനമുയര്ന്നിരുന്നു.
