ധോണി: വനംവകുപ്പിന്റെ ഡോക്ടർമാരുടെയും ജീവനക്കാരുടെയും ശ്രമങ്ങൾ വിഫലമായി. അട്ടപ്പാടി അബ്ബന്നൂർ വനത്തിൽ നിന്ന് രക്ഷപ്പെടുത്തി ചികിത്സ നൽകിയിരുന്ന കുട്ടിയാന ചികിത്സയ്ക്കിടെ മരിച്ചു. അട്ടപ്പാടിയിലെ അബ്ബന്നൂർ വനത്തിൽ പാറയിടുക്കിൽ കുടുങ്ങിയ നിലയിൽ കണ്ടെത്തിയ ഒരു ദിവസം പ്രായമുള്ള കുട്ടിയാനയെ പിന്നീട് ധോണിയിലെ പരിചരണ കേന്ദ്രത്തിലേക്ക് മാറ്റിയിരുന്നു. എന്നാൽ ചികിത്സയ്ക്കിടെയാണ് മരണം സംഭവിച്ചത്. അമിതമായ ചൂടിനെ തുടർന്നുണ്ടായ വയറിളക്കമാണ് മരണത്തിന് പ്രധാന കാരണമെന്നാണ് ഡോക്ടർമാർ വ്യക്തമാക്കുന്നത്. കൂടാതെ ജന്മനാ ഉണ്ടായിരുന്ന ഹൃദയത്തെ ബാധിക്കുന്ന വൈറസ് രോഗബാധയും അവസ്ഥ വഷളാക്കിയതായി പറയുന്നു. […]