സുൽത്താൻ ബത്തേരി: സുൽത്താൻ ബത്തേരി പൊലീസ് സ്റ്റേഷനിൽ നിന്ന് കാണാതായ തൊണ്ടിമുതലായ ഹാൻസ് ചാക്കുകൾ കണ്ടെത്തി. കേസിലെ പ്രതിയായ സിപിഒ സബിത്തുമായി നടത്തിയ തെളിവെടുപ്പിലാണ് ചാക്കുകൾ കണ്ടെത്തിയത്. സ്റ്റേഷനിൽ നിന്ന് ഏകദേശം 500 മീറ്റർ അകലെയുള്ള പൊലീസ് ക്വാർട്ടേഴ്‌സിൽ നിന്നാണ് തൊണ്ടിമുതൽ കണ്ടെത്തിയത്. കേസെടുത്തതിന് പിന്നാലെയുള്ള ദിവസം പുലർച്ചെ ഹാൻസ് ചാക്കുകൾ പൊലീസ് ക്വാർട്ടേഴ്‌സിലേക്ക് മാറ്റിയെന്നാണ് സബിത്തിന്റെ മൊഴിയെന്ന് അന്വേഷണ സംഘം അറിയിച്ചു. സ്റ്റേഷനിൽ നിന്ന് ഇയാൾ ഒറ്റയ്ക്കാണ് ചാക്കുകൾ പുറത്തേക്ക് കൊണ്ടുപോയതെന്നും അന്വേഷണ സംഘം വ്യക്തമാക്കി. […]