ഭോപ്പാൽ: ഇന്ധനം ലാഭിക്കണമെന്ന പ്രധാനമന്ത്രി നരേന്ദ്ര മോദിയുടെ ആഹ്വാനത്തിന് പിന്നാലെ, മധ്യപ്രദേശിലെ മുതിർന്ന ബിജെപി നേതാവിൻറെ കൂറ്റൻ വാഹനവ്യൂഹം വലിയ രാഷ്ട്രീയ വിവാദത്തിന് തിരികൊളുത്തിയിരിക്കുകയാണ്. മധ്യപ്രദേശ് ടെക്സ്റ്റ് ബുക്ക് കോർപ്പറേഷൻ ചെയർമാനായി ചുമതലയേൽക്കാൻ പോയ സൗഭാഗ്യ സിങ് താക്കൂറിന് അകമ്പടി സേവിച്ച എസ്‌യുവികളുടെ നീണ്ട നിരയാണ് വിമർശനങ്ങൾക്ക് വഴിവെച്ചത്. ഉജ്ജയിനിൽ നിന്നും തലസ്ഥാനത്തേക്ക് ഡസൻ കണക്കിന് വാഹനങ്ങളുമായി പോകുന്ന ദൃശ്യങ്ങൾ പുറത്തുവന്നതോടെ കോൺഗ്രസ് ഉൾപ്പെടെയുള്ള പ്രതിപക്ഷ പാർട്ടികൾ പരിഹാസവുമായി രംഗത്തെത്തി. പശ്ചിമേഷ്യൻ സംഘർഷങ്ങൾ ആഗോള സമ്പദ്‌വ്യവസ്ഥയെ ബാധിക്കുന്ന […]