കരുമാല്ലൂർ: എറണാകുളം പറവൂരിന് സമീപം കരുമാല്ലൂരിൽ വാങ്ങിയ ചോക്ലേറ്റിനുള്ളിൽ പുഴുവിനെ കണ്ടെത്തിയതായി പരാതി. കാലാവധി കഴിയാത്ത ഡയറി മിൽക്ക് ക്രിസ്പലോ ചോക്ലേറ്റ് പാക്കറ്റിലാണ് പുഴുവിനെയും പുഴുവിന്റെ കൂടിനെയും കണ്ടെത്തിയത്. കരുമാല്ലൂർ സ്വദേശി അഭിലാഷിനാണ് ചോക്ലേറ്റിനുള്ളിൽ പുഴുവിനെ കണ്ടെത്തിയത്. സഹോദരി വാങ്ങിക്കൊണ്ടുവന്ന 40 രൂപ വിലയുള്ള ചോക്ലേറ്റ് പാക്കറ്റ് തുറന്നപ്പോഴാണ് പുഴു ശ്രദ്ധയിൽപ്പെട്ടത്. 2027 ജനുവരി 12 വരെ ഉപയോഗിക്കാമെന്ന് പാക്കറ്റിൽ രേഖപ്പെടുത്തിയിട്ടുള്ള ചോക്ലേറ്റിലാണ് സംഭവം. ഇന്ന് ഉച്ചയോടെയാണ് ചോക്ലേറ്റ് വാങ്ങിയതെന്നും അഭിലാഷ് പറഞ്ഞു. സംഭവത്തിൽ ഭക്ഷ്യസുരക്ഷാ വകുപ്പിനും […]