ന്യൂഡൽഹി: കേന്ദ്ര സർക്കാർ ജീവനക്കാരുടെ ക്ഷാമബത്ത (ഡിഎ) മൂന്ന് ശതമാനം വർധിപ്പിക്കാൻ കേന്ദ്ര മന്ത്രിസഭാ യോഗം തീരുമാനിച്ചു. വിലക്കയറ്റം മൂലമുള്ള സാമ്പത്തിക ബാധ്യത കുറയ്ക്കുന്നതിന്റെ ഭാഗമായാണ് നടപടി. കേന്ദ്ര സർക്കാർ ജീവനക്കാർക്കും പെൻഷൻകാർക്കും പുതിയ വർധനയുടെ പ്രയോജനം ലഭിക്കും. ജീവനക്കാർക്ക് അടിസ്ഥാന ശമ്പളത്തിന്റെ നിശ്ചിത ശതമാനമായാണ് ക്ഷാമബത്ത നൽകുന്നത്. പെൻഷൻകാർക്ക് ഇതിന് സമാനമായി ലഭിക്കുന്ന ആനുകൂല്യമാണ് ക്ഷാമാശ്വാസം (ഡിആർ). വിലക്കയറ്റം നേരിടാൻ സഹായിക്കുന്നതിനായി കേന്ദ്ര സർക്കാർ സാധാരണയായി വർഷത്തിൽ രണ്ടുതവണയാണ് ഡിഎയും ഡിആറും പരിഷ്കരിക്കുന്നത്. കഴിഞ്ഞ ഏപ്രിലിൽ […]