തിരുവനന്തപുരം: സംസ്ഥാനത്ത് ഈ മാസം പതിമൂന്നിന് സമ്പൂർണ പണിമുടക്കിനൊരുങ്ങി ഡോക്ടർമാർ. ശമ്പള പരിഷ്‌കരണം അടക്കമുള്ള കാര്യങ്ങൾ ചൂണ്ടിക്കാട്ടിയാണ് കേരള ഗവൺമെന്റ് മെഡിക്കൽ കോളേജ് ടീച്ചേഴ്സ് അസോസിയേഷൻ (കെജിഎംസിടിഎ) പണിമുടക്കിനൊരുങ്ങുന്നത്. അത്യാഹിത സേവനങ്ങൾ ഒഴികെയുശള്ള എല്ലാ പ്രവർത്തനങ്ങളിൽ നിന്നും ഡോക്ടർമാർ വിട്ടുനിൽക്കും. പല തവണ പ്രതിഷേധം അറിയിച്ചിട്ടും സർക്കാർ ചർച്ചയ്ക്ക് പോലും തയ്യാറാകാത്തതിനെത്തുടർന്നാണ് സമരം കടുപ്പിക്കാൻ സംഘടന തീരുമാനിച്ചത്. പുതുതായി ആരംഭിച്ച മെഡിക്കൽ കോളേജുകളിൽ സൂപ്പർ സ്‌പെഷ്യാലിറ്റി തസ്തികകൾ സൃഷ്ടിച്ചതുകൊണ്ടുമാത്രം കാര്യമില്ല. പലയിടങ്ങളിലും അടിസ്ഥാന തസ്തികകൾ പോലും ഇല്ല. […]