വാഷിങ്ടണ്‍: യുക്രെയ്ന്‍ പ്രസിഡന്റ് വ്‌ളാഡിമിര്‍ സെലന്‍സ്‌കിയെ രൂക്ഷമായി വിമര്‍ശിച്ച് അമേരിക്കന്‍ പ്രസിഡന്റ് ഡൊണാള്‍ഡ് ട്രംപ്. യുദ്ധം അവസാനിപ്പിക്കാന്‍ ശ്രമിക്കുന്നതിനുപകരം അത് നീട്ടി കൊണ്ടു പോകുന്നതിനാണ് സെലന്‍സ്‌കിക്ക് താത്പര്യമെന്നും അദ്ദേഹം വിജയിച്ച ഹാസ്യനടനാണെന്നും ട്രംപ് വിമര്‍ശിച്ചു. ട്രംപിന്റെ ഔദ്യോഗിക ട്രൂത്ത് അക്കൗണ്ടിലൂടെയായിരുന്നു പ്രതികരണം. ട്രംപ് റഷ്യന്‍ നുണകളിലാണ് ജീവിക്കുന്നതെന്ന സെലന്‍സ്‌കിയുടെ പ്രസ്താവനയ്ക്ക് പിന്നാലെയാണ് രൂക്ഷമായ പ്രതികരണവുമായി ട്രംപ് രംഗത്തെത്തിയത്. സെലന്‍സ്‌കി സ്വേച്ഛാധിപതിയാണെന്നാണും ട്രംപിന്റെ പറഞ്ഞു. സെലന്‍സ്‌കി വേഗത്തില്‍ തീരുമാനം എടുത്തില്ലെങ്കില്‍ രാജ്യം തന്നെ നഷ്ടമാകുമെന്നും ട്രംപ് മുന്നറിയിപ്പ് നല്‍കി. […]