കൊച്ചി/കോഴിക്കോട്: കൂട്ടപ്പിരിച്ചുവിടലിനെ തുടർന്നുണ്ടായ തർക്കത്തിൽ അമേരിക്കൻ കമ്പനിയായ കോറോ ഹെൽത്തിനെതിരെ ജീവനക്കാരുടെ പ്രതിഷേധം ശക്തമാകുന്നു. ചർച്ചയിലെ ധാരണ ലംഘിച്ചെന്ന് ആരോപിച്ച് കൊച്ചിയിലും കോഴിക്കോടുമുള്ള ഓഫീസുകളിൽ എത്തിയ ജീവനക്കാരെ ഇന്ന് അകത്തേക്ക് പ്രവേശിപ്പിച്ചില്ല. കഴിഞ്ഞ ദിവസം ലേബർ കമ്മീഷണർ വിളിച്ചുചേർത്ത യോഗത്തിൽ, തൊഴിൽമന്ത്രിയുമായി കമ്പനി മാനേജ്മെന്റ് ചർച്ച നടത്തുന്നതുവരെ ജീവനക്കാർക്ക് സാധാരണ രീതിയിൽ ജോലി തുടരാമെന്ന ധാരണയായിരുന്നു ഉണ്ടായിരുന്നത്. എന്നാൽ ഇന്ന് രാവിലെ ജീവനക്കാർ ഓഫീസിലെത്തിയപ്പോൾ കൊച്ചി ഓഫീസിന്റെ വാതിലുകൾ തുറന്നിരുന്നില്ല. ഓഫീസിന് മുന്നിൽ ജീവനക്കാർ കാത്തുനിൽക്കുന്ന സാഹചര്യമാണ് […]