കണ്ണൂർ: കുറ്റിക്കകം ഉറുമ്പച്ചൻ കോട്ടത്തിന് സമീപം പാറക്കെട്ടില്‍ ചാക്ക് സൂക്ഷിക്കുന്ന ഗോഡൗണില്‍ വൻ തീപിടുത്തം. വിജയന്റെ ഉടമസ്ഥതയിലുള്ള 20 വർഷത്തിലേറെയായി പ്രവർത്തിക്കുന്ന ഗോഡൗണിലാണ് കാലത്ത് 10-30 മണിയോടെ തീപിടുത്തം ഉണ്ടായത്. പൂർണമായും കത്തി നശിച്ച ഗോഡൗണിന് തൊട്ടടുത്തുള്ള സോഫ നിർമ്മാണ കമ്പനിക്കും ഭാഗികമായ നാശനഷ്ടം ഉണ്ടായി. രണ്ട് യൂണിറ്റ് ഫയർഫോഴ്സ് ഏകദേശം ഒരു മണിക്കൂർ നേരത്തെ പരിശ്രമം കൊണ്ടാണ് തീ നിയന്ത്രണ വിധേയമാക്കിയത്. ലക്ഷക്കണക്കിന് രൂപയുടെ നാശനഷ്ടമാണുണ്ടായത്.

കണ്ണൂർ: പരിയാരം പഞ്ചായത്തിലെ കാരക്കുണ്ടിലുണ്ടായ കാട്ടുതീയിൽ 30 ഏക്കറോളം സ്ഥലത്തെ പുൽമേടുകളും കൃഷിഭൂമിയും കത്തി നശിച്ചു. കാരക്കുണ്ട്, പൊന്നച്ചേരി പ്രദേശങ്ങളിലെ വിജനമായ സ്ഥലത്താണ് ഇന്നലെ ഉച്ചയോടെ തീപടർന്നത്. വിവരമറിഞ്ഞ് തളിപ്പറമ്പ് അഗ്നിരക്ഷാ സേന ഗ്രേഡ് സ്റ്റേഷൻ ഓഫിസർ കെ.വി.സഹദേവന്റെ നേതൃത്വത്തിലുള്ള സംഘമെത്തി 5 മണിക്കൂറിലധികം പ്രയത്നിച്ചാണ് തീ നിയന്ത്രണ വിധേയമാക്കിയത്. സമീപത്തുള്ള ഒരു വീട്ടുപറമ്പിലേക്ക് തീ പടരുന്നതും അഗ്നിരക്ഷാ സേനയുടെ ഇടപെടൽകൊണ്ട് തടഞ്ഞു. പുൽമേടുകളും കശുമാവ് തുടങ്ങിയ കൃഷിഭൂമിയുമാണ് കത്തിനശിച്ചത്. കഴിഞ്ഞ ദിവസങ്ങളായി തളിപ്പറമ്പിന്റെ വിവിധ മേഖലകളിൽ […]