തലശ്ശേരി: ഫസൽ വധക്കേസിലെ നിർണായക തെളിവായ രക്തം പുരണ്ട തൂവാല കോടതിയിൽ നിന്ന് കാണാതായ സംഭവത്തിൽ കൊച്ചി സിബിഐ കോടതി റിപ്പോർട്ട് തേടി. എറണാകുളം ചീഫ് ജുഡീഷ്യൽ മജിസ്‌ട്രേറ്റ് കോടതിയോടാണ് വിശദീകരണം ആവശ്യപ്പെട്ടിരിക്കുന്നത്. സിജെഎം കോടതിയുടെ കസ്റ്റഡിയിൽ സൂക്ഷിച്ചിരുന്ന തൊണ്ടിമുതലാണ് കാണാതായത്. കവർ തുറന്നപ്പോൾ തൂവാല ഇല്ലാതിരുന്നതായി കണ്ടെത്തുകയായിരുന്നു. കവറിന് പുറത്തായി “എലി കൊണ്ടുപോയി” എന്ന് കുറിച്ചിരുന്നതായും റിപ്പോർട്ടുകളിൽ പറയുന്നു. എന്നാൽ ഫോറൻസിക് പരിശോധനാ ഫലം ഇതിനകം തെളിവായി അംഗീകരിച്ചതിനാൽ തൂവാല നഷ്ടമായത് കേസിനെ ബാധിക്കില്ലെന്ന നിലപാടാണ് […]