തിരുവനന്തപുരം: സംസ്ഥാനത്ത് മഴക്കെടുതി രൂക്ഷമായിട്ട് ഒന്നര മാസം പിന്നിട്ടിട്ടും അടിയന്തര പ്രളയ ദുരിതാശ്വാസ വിതരണം കാര്യക്ഷമമായി മുന്നോട്ടുപോകുന്നില്ലെന്ന് പരാതി. ആലപ്പുഴ, കോട്ടയം ജില്ലകളിലെ ദുരിതബാധിതരാണ് പരാതിയുമായി രംഗത്തെത്തിയത്. മഴ മാറി വെയിൽ ശക്തമായിട്ടും അർഹരായ പലർക്കും ധനസഹായം ലഭിച്ചിട്ടില്ലെന്നാണ് പരാതി. ആലപ്പുഴ ജില്ലയിലെ കുട്ടനാട്ടിൽ 41,738 പേരാണ് അടിയന്തര ധനസഹായത്തിനായി അപേക്ഷ നൽകിയത്. എന്നാൽ ഇതുവരെ 83 പേർക്ക് മാത്രമാണ് 5,000 രൂപ വീതം വിതരണം ചെയ്തത്. 10,000 രൂപ വീതം ധനസഹായം നൽകുമെന്നായിരുന്നു നേരത്തെ അറിയിച്ചിരുന്നത്. […]