ന്യൂഡൽഹി: ഇന്ത്യയുടെ മുഖ്യ തിരഞ്ഞെടുപ്പ് കമ്മിഷണർ ഗ്യാനേഷ് കുമാറിനെ പദവിയിൽ നിന്ന് നീക്കണമെന്ന് ആവശ്യപ്പെട്ട് 73 പ്രതിപക്ഷ എംപിമാർ രാജ്യസഭാ സെക്രട്ടറി ജനറലിന് നോട്ടിസ് നൽകി. കോൺഗ്രസ് നേതാവ് ജയറാം രമേശിന്റെ നേതൃത്വത്തിലാണ് ഈ നടപടി. ഗ്യാനേഷ് കുമാറിന്റെ പ്രവർത്തനങ്ങളിലും പെരുമാറ്റത്തിലും വീഴ്ചകളുണ്ടായതായി ആരോപിച്ച് ഭരണഘടനയിലെ അനുച്ഛേദങ്ങൾ പ്രകാരം നടപടി സ്വീകരിക്കണമെന്നാണ് നോട്ടിസിൽ ആവശ്യപ്പെട്ടിരിക്കുന്നത്. ഒമ്പത് പ്രധാന കുറ്റാരോപണങ്ങളാണ് നോട്ടിസിൽ ഉൾപ്പെടുത്തിയിരിക്കുന്നത്. ഇവ വ്യക്തമായ തെളിവുകളോടെ അവതരിപ്പിച്ചതാണെന്നും പ്രതിപക്ഷം വ്യക്തമാക്കി. ഗ്യാനേഷ് കുമാർ പദവിയിൽ തുടരുന്നത് ഭരണഘടനയ്‌ക്കെതിരായതാണ് […]