സിനിമാ സെറ്റില്‍ നടന്‍ ശ്രീനാഥ് ഭാസി നിരന്തരം ലഹരി ആവശ്യപ്പെട്ടിരുന്നുവെന്ന വെളിപ്പെടുത്തലുമായി നിര്‍മ്മാതാവ് ഹസീബ് മലബാര്‍. രാത്രി മൂന്നു മണിക്ക് ഫോൺ വിളിച്ച് കഞ്ചാവ് കിട്ടണം എന്നുപറഞ്ഞ ആളാണ് ശ്രീനാഥ് ഭാസിയെന്നും നമുക്ക് കോടതിയിൽ വെച്ച് കാണാമെന്നുമാണ് ഹസീബ് മലബാര്‍ ഫേസ്ബുക്കിലൂടെ വെളിപ്പെടുത്തിയത്. സ്ഥിരമായി നടൻ സെറ്റിൽ എത്താത്തതിനാൽ സിനിമ ചിത്രീകരണം നീണ്ടുപോയെന്നും നിര്‍മ്മാതാവ് പറയുന്നു.