കണ്ണൂർ: താലൂക്ക് ആസ്ഥാനത്തെ പ്രധാന ചികിത്സാ കേന്ദ്രമായ ഇരിട്ടി താലൂക്ക് ആശുപത്രിയിൽ ഫാർമസിസ്റ്റുകളുടെ കുറവ് മൂലം രോഗികൾ കടുത്ത ദുരിതത്തിൽ. പകരം സംവിധാനം ഏർപ്പെടുത്താതെ ജീവനക്കാരെ സ്ഥലം മാറ്റിയതാണ് പ്രതിസന്ധിക്ക് കാരണമായത്. ഡോക്ടറെ കണ്ടു കഴിഞ്ഞാൽ മരുന്നിനായി മൂന്നും നാലും മണിക്കൂറുകൾ കാത്തിരിക്കേണ്ട അവസ്ഥയാണുള്ളത്. പ്രതിസന്ധിയുടെ കാരണങ്ങൾ: * അശാസ്ത്രീയമായ സ്ഥലംമാറ്റം: പി.എസ്.സി വഴി നിയമനം ലഭിച്ച രണ്ട് ഫാർമസിസ്റ്റുകളെ പകരം ആളില്ലാതെ സ്ഥലം മാറ്റി. ആറ് പേർ വേണ്ട സ്ഥാനത്ത് നിലവിൽ മൂന്ന് പേർ മാത്രമാണുള്ളത്. […]