കാലിഫോർണിയ: അമേരിക്കയിൽ നടക്കുന്ന 2026-ലെ ഫിഫ ലോകകപ്പിനിടെ ഇറാൻ ദേശീയ ഫുട്ബോൾ ടീം നേരിടാനിരിക്കുന്നത് കടുത്ത യാത്ര നിയന്ത്രണങ്ങൾ. മത്സര ദിവസം മാത്രമേ കളിക്കാർക്ക് രാജ്യത്ത് പ്രവേശിക്കാൻ അനുവാദമുണ്ടാകൂ എന്നും, കളി കഴിഞ്ഞയുടൻ അവർ മടങ്ങേണ്ടിവരുമെന്നും ഇറാനിയൻ ഉദ്യോഗസ്ഥർ അവകാശപ്പെടുന്നു. മെക്സിക്കോയിലെ ഇറാന്റെ അംബാസഡറായ അബുൽഫസൽ പസന്ദീദെയാണ് ഇക്കാര്യം പറഞ്ഞത്. അമേരിക്ക, കാനഡ, മെക്സിക്കോ എന്നീ രാജ്യങ്ങൾ സംയുക്തമായി ആതിഥേയത്വം വഹിക്കുന്ന ടൂർണമെന്റിൽ പങ്കെടുക്കുന്നതിനായി ഇറാൻ ടീമിന് പ്രത്യേക പ്രവേശന നിബന്ധനകളെക്കുറിച്ച് വിവരം ലഭിച്ചിട്ടുണ്ടെന്ന് അദ്ദേഹം പറഞ്ഞു. […]