തിരുവനന്തപുരം: പശ്ചിമേഷ്യൻ യുദ്ധത്തെ തുടർന്നുണ്ടായ ക്രൂഡ് ഓയിൽ വിലക്കയറ്റം മത്സ്യബന്ധന ബോട്ട് നിർമാണ മേഖലയെയും ഗുരുതരമായി ബാധിക്കുന്നു. ബോട്ട് നിർമാണത്തിനാവശ്യമായ അസംസ്കൃത വസ്തുക്കളുടെ വില കുത്തനെ ഉയർന്നതോടെ മേഖലയാകെ പ്രതിസന്ധിയിലായിരിക്കുകയാണ്. നിലവിലെ സാഹചര്യം തുടർന്നാൽ ബോട്ട് നിർമാണ ശാലകൾ അടച്ചുപൂട്ടേണ്ടിവരുമെന്ന ആശങ്കയിലാണ് വിഴിഞ്ഞത്തെ യാഡുടമകൾ. ഔട്ട്ബോർഡ് എൻജിൻ ബോട്ടുകളുടെ നിർമാണത്തിന് പ്രധാനമായും ഉപയോഗിക്കുന്നത് പെട്രോളിയം ഉപോൽപ്പന്നങ്ങളാണ്. ബോട്ടുകളുടെ ഭാഗങ്ങൾ ഒട്ടിച്ചുചേർക്കാൻ ആവശ്യമായ റെസിൻ ഉൾപ്പെടെയുള്ള രാസവസ്തുക്കൾക്ക് വൻതോതിൽ വില കൂടിയതായി യാഡുടമകളായ റെച്ചൻസും തദേവൂസും പറഞ്ഞു. ഫൈബർ […]