കൊച്ചി: മലയാളി മുന്നേറ്റ താരം മുഹമ്മദ് സനാനെ സ്വന്തമാക്കി കേരള ബ്ലാസ്റ്റേഴ്‌സ് എഫ്‌സി. ജംഷഡ്പൂർ എഫ്‌സിയിൽ നിന്നാണ് 22കാരനായ താരം ബ്ലാസ്റ്റേഴ്‌സിലെത്തുന്നത്. 2028-29 സീസൺ അവസാനിക്കുന്നതുവരെയുള്ള ദീർഘകാല കരാറിലാണ് സനാൻ ഒപ്പുവെച്ചത്. കേരളത്തിന്റെ ഫുട്ബോൾ സംസ്കാരത്തിലൂടെ വളർന്നുവന്ന സനാൻ റിലയൻസ് ഫൗണ്ടേഷൻ യംഗ് ചാംപ്സ് പ്രോഗ്രാമിലൂടെയാണ് ഫുട്ബോളിന്റെ അടിസ്ഥാന പരിശീലനം നേടിയത്. തുടർന്ന് 2023ൽ ജംഷഡ്പൂർ എഫ്‌സിയിലൂടെ സീനിയർ ഫുട്ബോളിൽ അരങ്ങേറ്റം കുറിച്ച താരം ചുരുങ്ങിയ കാലം കൊണ്ട് ഇന്ത്യൻ സൂപ്പർ ലീഗിൽ ശ്രദ്ധേയ സാന്നിധ്യമായി മാറി. […]