ന്യൂഡൽഹി: സ്വാതന്ത്ര്യലബ്ധിക്ക് പിന്നാലെ ജവഹർലാൽ നെഹ്‌റുവിന് സന്യാസിമാർ ചെങ്കോൽ കൈമാറിയതായി ഒൻപതാം ക്ലാസ് സാമൂഹ്യശാസ്ത്ര പാഠപുസ്തകത്തിൽ പരാമർശം. എൻസിഇആർടി പുറത്തിറക്കിയ പുതിയ ‘അണ്ടർസ്റ്റാൻഡിംഗ് സൊസൈറ്റി: ഇന്ത്യ ആൻഡ് ബിയോണ്ട് – പാർട്ട് 2’ എന്ന പുസ്തകത്തിലാണ് പരാമർശമുള്ളത്. പുതിയ പുസ്തകം 2026 സെപ്റ്റംബർ 29നാണ് പുറത്തിറക്കിയത്. 1947 ഓഗസ്റ്റ് 15ന് തമിഴ്നാട്ടിലെ അധീനം പാരമ്പര്യത്തില്‍പ്പെട്ട സന്യാസിമാര്‍ ചെങ്കോല്‍ നെഹ്റുവിന് കൈമാറിയെന്നാണ് പരാമര്‍ശം. 2023ൽ പുതിയ പാർലമെന്റ് മന്ദിരത്തിൽ പ്രധാനമന്ത്രി നരേന്ദ്ര മോദി ചെങ്കോൽ സ്ഥാപിച്ചതും പാഠപുസ്തകത്തിൽ ഉൾപ്പെടുത്തിയിട്ടുണ്ട്. […]