സംവിധായകൻ അടൂർ ​ഗോപാലകൃഷ്ണനും ​ഗായകൻ കെ ജെ യേശുദാസിനുമെതിരേ അധിക്ഷേപ പരാമർശവുമായി നടൻ വിനായകൻ. ഇരുവരുടേയും പേര് പരാമർശിച്ചുകൊണ്ടുള്ള ഫേസ്ബുക്ക് പോസ്റ്റിലാണ് നടന്റെ അധിക്ഷേപം. യേശുദാസിന്റെ ചിത്രവും നടൻ പങ്കുവെച്ചിട്ടുണ്ട്.നിരവധിപേരാണ് വിനായകന്റെ ഫേസ്ബുക്ക് പോസ്റ്റിനു താഴെ വിമർശനവുമായി എത്തിയിരിക്കുന്നത്. പട്ടികജാതി-വർഗ വിഭാഗങ്ങളിലെ സംവിധായകരെയും വനിതാ സംവിധായകരെയും അധിക്ഷേപിക്കുന്ന തരത്തിൽ സിനിമാ കോൺക്ലേവിൽ അടൂർ ​ഗോപാലകൃഷ്ണൻ നടത്തിയ പ്രസ്താവന വിവാദമായിരുന്നു. ഇതിന് പിന്നാലെ പ്രമുഖരടക്കം ഒട്ടേറെപ്പേർ അടൂരിനെ വിമർശിച്ചുകൊണ്ട് രം​ഗത്തെത്തിയിരുന്നു.