കണ്ണൂർ: കണ്ണൂർ പാനുണ്ടയിൽ പൊതുശുചീകരണത്തിനിടെ ആറുവയസ്സുകാരി കുളത്തിന്റെ പടിക്കെട്ടിൽ വീണ് മരിച്ചു. രണ്ടാം ക്ലാസ് വിദ്യാർഥിനിയായ മിർസയാണ് മരിച്ചത്. ഇന്ന് രാവിലെ ഏഴുമണിയോടെയായിരുന്നു അപകടം. എല്ലാ ഞായറാഴ്ചകളിലും പ്രദേശവാസികൾ പൊതുശുചീകരണ പ്രവർത്തനങ്ങൾ നടത്താറുണ്ട്. ഇതിനിടെ കുളത്തിന് സമീപത്തുകൂടി പോയ മിർസയുടെ ഹെയർബാൻഡ് കുളത്തിന്റെ പടിക്കെട്ടിലേക്ക് വീഴുകയായിരുന്നു. ഇത് എടുക്കാനായി പടിക്കെട്ടിലിറങ്ങിയ കുട്ടി കാൽവഴുതി വീണ് തലയിടിക്കുകയായിരുന്നുവെന്നാണ് വിവരം. മറ്റൊരു കുട്ടിയാണ് മിർസ കുളത്തിന്റെ പടിക്കെട്ടിൽ വീണുകിടക്കുന്നത് കണ്ടത്. ഉടൻ തന്നെ കുട്ടിയെ കൂത്തുപറമ്പിലെ ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല. […]